طريقة عمل فيزا على فودافون كاش

مواضيع مفضلة

السبت، 29 يونيو 2019

طريقة عمل فيزا على فودافون كاش

من خلال مقال اليوم البسيط هتقدر تتعرف على خدمة الدفع اونلاين من فودافون كاش والخدمة دى تقدر من خلالها تحول الفلوس الموجودة على محفظتك لفيزا أفتراضية تشترى بالمبلغ المطلوب فى أى موقع على الأنترنت بخطوات بسيطة بدون متحتاج لعمل فيزا مشتريات أو خطوات معقدة لفتح حساب فى أى بنك بكل بسطاة بتحتاج خط مفعل علية فودافون كاش والمبلغ المساوى لسعر المنتج أو الخدمة على الأنترنت.

طريقة إيداع الفلوس فى حسابك على فودافون كاش

كل المطلوب تروح الفرع وتطلب عمل إيداع لرقمك فى فودافون كاش وأكيد لازم يكون معاك البطاقة المشترك فيها فى فودافون كاش ولو مكنتش فعلت فودافون كاش قبل كدة بكل بسطاة تطلب من خدمة الدعم فى الفرع تفعيل الخدمة وبعد كدة بتودع المبلغ وكمان هوضح ليك أزاى تحسب المبلغ من خلال باقى المقال

أزاى أحسب المبلغ المطلوب إيداعة فى الحساب لعمل الفيزا

أولا لازم قبل موضح مثال تكون عارف بعض النقاط وتكاليف الخدمة الأساسية ودى هتقدر تحسب من خلالها المبلغ

  1. مصاريف انشاء الكارت لأى مبلغ هي 10ج.
  2. أول معاملة في الشهر مجانية ودة تقدر تستفاد منة أنك تعمل معاملة واحدة لتفادى الرسوم.
  3. مصاريف خدمة فيزا فودافون كاش هى 4.5% من كامل البلغ بعد تجربة الخدمة.

دلوقتى خلينا نعمل مثال على كدة بناء على التكاليف الموضحة فوق انا مثلا عايز اشترى من سوف منتج ب300 جنية مصرى الحسبة كالتالى (300*0.045)+300+10= 323.5 وممكن نزيد المبلغ للضمان فقط إلى 325 ،طيب لو انت عايز تشترى من أى موقع بالدولار كل المطلوب أنك تحسب القيمة بتساوى كام بالجنية لأن سعر الدولار متغير وكمان حاول تزود أو أنك تحسب الدولار على أعلى قيمة فى البنوك علشان تحسب صح

طريقة استخراج فيزا فودافون كاش
بكل بساطة بعد عمل إيداع للمبلغ وطبعا أكيد تكون حسبت المبلغ المطلوب قبل الإيداع كل المطلوب خطوات بسيطة كالتالى

  1. اطلب الكود #100*9*, وبعد كدة بتحدد المبلغ اللي عايز تشتري بيه وبيطلب منك تدخل الرقم السري.
  2. بعد كدة بتوصلك رسالة فيها بيانات الكارت بالمبلغ اللى حددتة.

معلومات مهمة لازم تعرفها عن فيزا فودافون كاش
لو أشتريت بمبلغ أقل من المبلغ اللى عملت بية الفيزا الباقى بيرجع ليك على فودافون كاش تانى بدون مشاكل ،الكارت صالح لمدة 24 ساعة لو مستخدمتهوش خلال الفترة دى الرصيد بيكون موجود عادى على فودافون كاش وبكدة أكون وضحت كل شئ بخصوص فودافون كاش للشراء أون لاين ولو عندك أى أستفسار ممكن تسيب تعليق 👍.

المشاركة على واتساب متوفرة فقط في الهواتف