كيفية تحويل الصور من cr2 الى jpg بطريقتين مختلفتين

مواضيع مفضلة

الأحد، 3 مارس 2019

كيفية تحويل الصور من cr2 الى jpg بطريقتين مختلفتين

من خلال مقال اليوم هنشوف مع بعض أبسط طريقة لطريقة تحويل إمتداد الصور الخاصة بكاميرات كانون من صيغة cr2 إلى jpg بكل بساطة بطريقتين بأستخدام برنامج وعن طريق موقع ولكن أنا شخصيا انا بفضل البرنامج ودة لأن البرنامج بتعمل لية تنزيل وتستخدمة وقت متحب لكن الموقع لازم ترفع الصورة لية وبعد التحويل بتعمل ليها تنزيل ودة بياخد وقت إلى جانب أستخدام الأنترنت ،وسبب طرح الموقع رغم ان البرنامج افضل لأن مستخدمين الموبايل على سبيل المثال ليس لة بديل غير الموقع. 
تحويل صور Canon CR2 إلى صيغة JPG
أول شئ عن طريق برنامج بسيط وهو برنامج لتحويل جميع صيغ الصور إلى أى صيغة انت محتاج ليها ومن ضمن الصيغ المتاحة للتحويل ليها من cr2 إلى jpg والبرنامج المستخدم فى التحويل أسمة Total Image Converter ورابط التحميل فى نهاية المقال البرنامج بيدعم الصيغ دى من الصور "PDF ، TIFF ، BMP ، PNG ، JPEG ، JPEG2000 ، ICO ، GIF ، PCX TGA ، PXM ، PS ، PCL، PALM ، PICT ، XPM ، FIX" دلوقتى كل اللى عليك تحمل البرنامج وتعمل لية تثبيت وبعد كدة هتلاقى الشكل دة ظاهر ليك


من اليمين بتختار المجلد الموجود فية الصور وبيظهر ليك محتوى الصور الموجودة فية بتحدد الصور من المكان المخصص ليها

وبعد متعمل تحديد للصور سواء صورة وحدة أو كل الصور من القايمة من فوق بتضغط على أى صيغة أنت حابب تحول ليها وانا بفضل صيغة JPG علشان حجمها صغير والجودة كبيرة

وبعد كدة بتظهر ليك الشاشة دى من مكان النقط المتحدد فى الصورة تقدر تختار مكان حفظ الصورة سواء على سطح المكتب او اى مكان تانى أو ممكن تختار إن البرنامج يحفظ لنفس المجلد الأصلى الموجود فية الصور عن طريق خيار "Use source folder" وبعد كدة بكل بساطة تضغط على "START" وبيتم التحويل بشكل مباشر

ثانى شئ هو موقع iloveimg ودة بيعمل نفس الوظيفة كل المطلوب تدخل على الموقع من الرابط الخاص بية من نهاية المقال وبعد كدة تضغط على خيار "اختار صور" أو تقدر تسح الصورة علية بشكل بسيط وكمان تقدر تحدد أكتر من صورة من غير أى مشاكل وبعد كدة بتظهر ليك الشاشة دى

ومنها تقدر تضيف صور تانى لو حابب وعلشان تخلية يرفع الصورة ويعمل ليها تحويل أضغط على "التحويل إلى JPG" وبيظهر ليك الشاشة دى أثناء رفع صورة CR2 بتنتظر لعند لما ينتهى من رفع الصورة والتحويل

بعد مخلص رفع وتحويل بيظهرك الشاشة دى وفيها خيار "تحميل الصور بعد التحويل" تقدر تستخدمة علشان تحمل الصورة بصيغة JPG بعد محولها بكل بساطة ،بكدة أكون خلصت موضع النهردة اتمنى تسيب تعليق تقديرا للمجهود المبذول وشكرا لكم.

تحميل برنامج يدعم Total Image Converter

رابط موقع تحويل CR2 إلى JPG

المشاركة على واتساب متوفرة فقط في الهواتف